FLASH NEWS IN CHENNAI
చెన్నై: దేశంలో ఏ రాష్ట్రంలో చోటు చేసుకోని పరిణామాలు తమిళనాడులో చోటుచేసుకుంటున్నాయి. ముఖ్యమంత్రి పీఠం అటూఇటూ కదిలి చివరకు చిన్నమ్మ చేతికే చిక్కింది. దీనిని దక్కించుకోవడంలో శశికళ చాలా స్పష్టంగా వ్యూహాత్మకంగా ముందుకు కదిలినట్లు తెలుస్తోంది. సీఎం బాధ్యతలు చేపట్టిన పన్నీర్ సెల్వం తాను ఒక ముఖ్యమంత్రిని అనే విషయాన్ని ప్రజల్లోకి బలంగా తీసుకుపోలేకపోవడం, పార్టీ బాధ్యతలు, ముఖ్యమంత్రి బాధ్యతలు ఒక్కరికే ఉండాలనే సంప్రదాయం అన్నాడీఎంకేలో ఉండటం శశికళకు బాగా కలిసొచ్చాయనే చెప్పాలి.
అయితే, తమిళనాట రాజకీయాల్లో ఏఐఏడీఎంకేలో మరిన్ని మార్పులకు ఇదే పునాది అవ్వొచ్చు.. లేక భవిష్యత్తులో మార్పులకు ముగింపు పడొచ్చు. ఎక్కువమంది రాజకీయ నిపుణులు మాత్రం ప్రస్తుతం అసంతృప్తి ముసలం ఉండకపోయినా పదవి చివరికాలంనాటికి మాత్రం వేరుకుంపట్లు ఖాయం అని అంటున్నారు. ఎవ్వరూ ఊహించని విధంగా తమిళనాడు ముఖ్యమంత్రి జయలలిత అనారోగ్యం పాలవడం.. అపోలో ఆస్పత్రిలోనే ఆమె కన్నుమూయడం.. చనిపోయిందన్న విషయాన్ని తొలుత ప్రకటించకుండా ముందుగా కొత్త సీఎంగా ఎవరనే అంశాలపై తర్జనల భర్జనలు చేసిన తర్వాత ఆమె మరణ వార్త ప్రకటన.. అర్ధరాత్రి సీఎంగా పన్నీర్ సెల్వం.. పార్టీ పగ్గాలు శశికళకు రావడం ఇదంతా కూడా శశికళ కనుసన్నల్లోనే జరిగిందని తాజా పరిణామాల ప్రకారం తెలుస్తోంది.
0 comments:
Post a Comment